Бөгөн Инйәр ауылында Башҡортостандың халыҡ артисы Рәмил Ғәйзуллин призына конкурс ойошторола. Баһалама комиссияһын музыкант үҙе етәкләй. “40-ҡа яҡын ғариза ҡабул ителде”, - ти ул.
“Беренсе фестивалдә Белорет районы һәм Межгорье ҡалаһы музыканттары ғына ҡатнаша. Конкурста яңғыҙ башҡарыусылар, оркестр һәм ансамблдәр сығыш яһай. Киләһе йылда ярыш барыһы өсөн дә асыҡ була”, тип белдерҙе Рәмил Ғәйзуллин.
