Унда күп профилле мәктәптәрҙе булдырыу һәм үҫтереү мәсьәләһе ҡарала. Йыйын барышында лекция, оҫталыҡ дәрестәре, фекер алышыу, шулай уҡ күргәҙмә ойошторолдо. “Республика полилингваль мәктәптәре үҙенсәлекле программа буйынса уҡыта. Форумда ошо тәжрибәне күрһәтәбеҙ”, ти “Смарт” 2-се республика күп профилле полилингваль гимназия директоры Наил Әминев.
Наил Әминев белдереүенсә, полилингваль гимназия Мифтахетдин Аҡмулла исемендәге Башҡорт дәүләт педагогия университеты менән хеҙмәттәшлек итә.
Полилингваль белем биреү мәсьәләләренә арналған форум иртәгә лә дауам итә. Унда ил төбәктәре һәм Ҡаҙағстандан белгестәр ҡатнаша.
