Беренселәр беренсе ярҙам күрһәтеү буйынса ярышты. Мифтахетдин Аҡмулла исемендәге Башҡорт дәүләт педагогия университетында Беренселәр хәрәкәте ағзалары чемпионатҡа йыйылды.
Ярышта республика төбәктәренән 50 команда ҡатнашты. Командалар тәүҙә тест яҙҙы, һуңынан конкурстың ғәмәли өлөшөндә беренсе медицина ярҙамы күрһәтеү буйынса көс һынашты. Сараны ойоштороусылар билдәләүенсә, кешенең сәләмәтлегенә ҡапыл зыян килгән хәлдә тиҙ ярҙам машинаһы килгәнсе һәр кем беренсе ярҙамды күрһәтә белергә тейеш. Сөнки кешенең ғүмере ҡыл өҫтөндә булғанда һәр минут ҡәҙерле.
