Ул Миәкә районының Өршәкбаш-Ҡарамалы ауылында тыуған. 1942 йылда Буйнак пехота училищеһын тамамлағандан һуң Төньяҡ Кавказ фронтында хәрби хәрәкәттәрҙә ҡатнаша. 1944 йылдың 8 мартында Херсон өлкәһенең Дудчаны ауылы өсөн барған бәрелештә дошман дзоты амбразураһын кәүҙәһе менән ҡаплай. Ошо батырлығы өсөн Миңлғәли Ғөбәйҙуллинға Советтар Союзы Геройы исеме бирелә.
