Дәүләт Йыйылышы - Ҡоролтайҙа Рәсәйҙә демография хәлен яҡшыртыу мәсьәләләренә арналған түңәрәк өҫтәл ойошторолдо. Ултырышта сәйәсмәндәр, төрлө ведомство етәкселәре, дин әһелдәре, йәмәғәт ойошмалары вәкилдәре балалар тыуымын арттырыу, ата-әсәләр өсөн шарттар булдырыу һорауҙары буйынса фекер алышты.
Белгестәр Көнбайыш илдәренән килгән чайлдфри идеологияһын тыйыу, уның үҫмерҙәргә һәм йәштәргә зыян килтереүе тураһында сығыш яһаны. Йәмғиәттә традицион ҡиммәттәрҙе тәрбиәләү, ғаилә институтына иғтибар арттырыу мәсьәләләре тикшерелде.
