Башҡортостан Башлығы Радий Хәбиров социаль селтәрҙә яҙыуынса, быйыл 30 район һәм ҡалала 246 күп фатирлы йорттағы 206 ихата тәртипкә килтерелгән. Бының өсөн 1,27 миллиард һум тотонолоған. Ошо сумманан 12 миллион һумды фатир хужалары йыйған. Төҙөкләндереү барышында 4,5 мең автомобиль ҡалдырыу урыны, 152 балалар һәм спорт майҙансығы, ҡаты көнкүреш ҡалдыҡтары өсөн 84 урын йыһазландырылған. “Башҡорт ихаталары” программаһы киләһе йылда ла дауам итә”, тип яҙа Радий Хәбиров.
