Ҡалтасы халҡы ла алғы һыҙыҡҡа ебәреү өсөн техника һәм кәрәк-яраҡ әҙерләй. Махсус хәрби операция биләмәһенә барып ҡайтҡандан һуң Красный Холм йылылыҡ селтәрҙәре предприятиһе хеҙмәткәрҙәре Башҡортостан мотоуҡсылар полкы һалдаттарына ярҙам итергә булған. Оҫталар элекке мәктәп автобусын мунса итеп үҙгәрткән. Ойошма етәксеһе Радмир Усманов һөйләй.
Предприятие полк яугирҙәре өсөн УАЗ автомобилдәре лә әҙерләгән. Ауыл халҡы алғы һыҙыҡҡа ебәреү өсөн маскировка селтәре үрә. “Ярҙамыбыҙ менән еңеүҙе яҡынайтырға теләйбеҙ. Ир-егетттәребеҙ иҫән-һау йөрөп ҡайтһын. Һаҡланыу сараһына изге теләк һәм доғаларыбыҙҙы ла ҡушабыҙ”, - ти Самира Садыҡова һәм Фәнзилә Шәймиева.
