Башҡорт күлдәге, мордва панары, удмурт дэремы. Башҡортостан Милли музейында Халыҡтар берҙәмлеге көнөн уңайынан «Күркәм күлдәк» тип исемләнгән күргәҙмә асылды. Экспозицияға төрлө халыҡтарҙың XIX-XX быуаттарға ҡараған өҫ кейеме ҡуйылған. Экспонаттар республика район-ҡалаларынан тупланған. Ә инде күргәҙмәнең иң үҙенсәлекле өлөшө - зал уртаһында урын алған 3 метрлыҡ ҡурсаҡ. Ойоштороусылар һынды махсус ошо сара өсөн теккән. Күргәҙмә 3 декабргә тиклем эшләй.
