Башҡортостан Башлығы Радий Хәбиров журналистика өлкәһендә «Дөрөҫлөк. Яуаплылыҡ. Ҡаһарманлыҡ» премияларын булдырыу тураһында указға ҡул ҡуйҙы.
Документҡа ярашлы, премияға конкурс нигеҙендә киң мәғлүмәт сараларында баҫылған мәғлүмәт материалдарының штаттағы һәм штаттан тыш авторҙары, киң мәғлүмәт саралары редакциялары һәм ижади хеҙмәткәрҙәр дәғүә итергә мөмкин. Журналистика өлкәһендә көнүҙәк йәки йәмәғәтселектә танылған контент өсөн йыл һайын һәр береһе 300 мең һумлыҡ 20 премия тапшырыу ҡарала.
