Башҡортостан башлығы бер йыл элек Рәсәй менән Ҡаҙағстандың XX төбәк-ара хеҙмәттәшлек форумын Өфөлә үткәрергә тәҡдим иткәйне. Бөгөн Радий Хәбиров социаль селтәрҙә ҡабул ителгән ҡарар өсөн Рәсәй президентына рәхмәт белдерҙе. Республика властары форумды иң юғары кимәлдә үткәреү өсөн бар тырышлығын һаласағын, күләмле сара Башҡортостан менән Ҡаҙағстан араһында сауҙа-иҡтисади, эшлекле, гуманитар бәйләнештәрҙе үҫтереүгә булышлыҡ итәсәк, тип яҙған республика етәксеһе.
