Һәләттәр ҡалаһы ижадты үҫтереү үҙәгендә хоҡуҡ һаҡлау органдары көнөнә арналған сара үтте. 7-се саҡырылыш Ҡоролтай Депутаты , Генерал Шайморатов һәм Батырлыҡ ордены кавалеры Артур Ғәлиев юнармия сафындағы үҫмерҙәргә ҡаһарманлыҡ һәм ватансылыҡ тойғоһо тураһында һөйләне.
Шулай уҡ полиция хеҙмәтенә ғүмерен арнағандар был эштең үҙенсәлектәре менән таныштырҙы, хоҡуҡ һаҡлау органдарына эшкә инеү өсөн ниндәй уҡыу йорто тамамларға, ҡайҙа белем алырға икәнлеге тураһында һөйләне. Һәләттәр ҡалаһы үҙәгендә былтыр Бөтә рәсәй хәрби- патриотик йәмәғәт хәрәкәтенең ресурс үҙәге асылған. Унда беренсел хәрби, медицина һәм физик әҙерлек дәрестәре үткәрелә. Хәрби хәрәкәт ветерандары менән осрашыуҙар ойошторола. Быйыл үҙәктә Йәш командирҙар проекты тормошҡа ашырыла башланы.
