Мәскәүҙә “Иң яҡшы муниципаль тәжрибә” тигән Бөтә Рәсәй конкурс һөҙөмтәләре менән таныштырҙылар. Быйыл 78 төбәктән 1 мең 300-ҙән ашыу заявка ҡабул ителгән. Төрлө номинацияларҙа Октябрьский ҡалаһы – беренсе, Стәрлетамаҡ һәм Учалы – дүртенсе, Асҡын районы Ҡашҡа ауылы – икенсе урын алды. Лауреаттарға федераль бюджеттан биләмәләрҙе тәртипкә килтереү өсөн аҡса тапшырыла. Былтыр Бөтә Рәсәй конкурсында республиканан өс ауыл биләмәһе еңеү яулағайны.
