Ашығыс медицина ярҙамы хеҙмәткәрҙәренә өҫтәмә түләүҙәр тәғәйенләнде

Ашығыс медицина ярҙамы хеҙмәткәрҙәренә төнгө сменалар, пациенттарҙы күтәреп күсерергәндәре өсөн өҫтәмә түләүҙәр тәғәйенләнде.

Бөгөн 2023-2026 йылдарға иҫәпләнгән республиканың Һаулыҡ һаҡлау министрлығы менән Рәсәй һаулыҡ һаҡлау хеҙмәткәрҙәре профсоюзының республика ойошмаһы араһындағы Тармаҡ килешеүенә ҡул ҡуйылды. Яңы килешеүҙә тармаҡ хеҙмәткәрҙәренә ҡағылышлы ғәмәлдәге бөтә льготалар һәм гарантиялар һаҡлана, шулай уҡ хеҙмәт ҡануниәте талаптарын үтәүгә, хеҙмәт хаҡы һәм өҫтәмә отпусктар алыуға ҡағылышлы мәсьәләләр өлөшө көсәйтелгән һәм тулыландырылған.

Һаулыҡ һаҡлау министрлығы өсөн кадрҙарҙы нығытыу һәм хеҙмәткәрҙәргә ярҙам мәсьәләләре беренсе урында тора, шул иҫәптән хеҙмәт шарттарын яҡшыртыу һәм һаулыҡ һаҡлау системаһы хеҙмәткәрҙәренә эш хаҡы кимәлен күтәреү. Профсоюз бөтә республика буйынса хеҙмәткәрҙәр менән бәйләнеште тәьмин итә, тармаҡ килешеүе беҙгә һөҙөмтәләргә тиҙерәк өлгәшергә мөмкинлек бирәсәк.

Айрат Рәхмәтуллин, Башҡортостандың Һаулыҡ һаҡлау министры

Яңы Тармаҡ килешеүендә социаль партнерлыҡ сиктәрендә үҙ-ара эшмәкәрлек киңәйтелде, ҡарарҙар ҡабул иткәндә Профсоюз фекере иҫәпкә алынасаҡ. Тармаҡ килешеүе тулыландырылды һәм камиллашты. Был бөтә республика буйынса медицина ойошмаларында коллектив килешеүҙәр әҙерләү өсөн нигеҙ булып тора.

Рауил Халфин, Рәсәй Һаулыҡ һаҡлау хеҙмәткәрҙәре профсоюзының республика ойошмаһы рәйесе
Выборы 2026
25 лет БСТ
Башбат
Башбат
Нет наркотикам
Волна
Акции БСТ