“Конгресс һөҙөмтәләре буйынса иң яҡшыларҙың береһе булды. Төбәктәр һәм компаниялар араһында бик күп килешеүҙәргә ҡул ҡуйылды”, - тип белдерҙе Федерация Советы рәйесе Валентина Матвиенко.
Башҡортостан башлығы Радий Хәбиров сенаторҙарҙы республикала үтәсәк ҙур сараға саҡырҙы.
Бөгөн Өфөлә халыҡ-ара бизнес аҙналағы башланды. Унда сит илдәрҙән һәм Рәсәй төбәктәренән делегациялар ҡатнаша. Форум барышында сауҙа-иҡтисади, транспорт-логистика партнерлығы мәсьәләләре ҡарала. Шулай уҡ хеҙмәттәшлек өсөн отошло шарттар булдырыу тураһында фекер алышыу үтә.
