«Красин» боҙватҡысы Өфөлә. Баш ҡаланың Валериан Альбанов исемендәге ҡотопсолар музейында тарихи судноға арналған күргәҙмә асылды. Тәүҙә пароход «Святогор» исемен йөрөтә. Ул тиҫтәләрсә йылдар донъялағы иң яҡшы боҙватҡыс булып һанала һәм бик күп экспедициялар, суднолар ҡотҡарыуҙа ҡатнаша. Үҙе лә һыуға батырыла һәм һуңынан яңынан сафҡа индерелә. Англияла ла хеҙмәт итә.
1927 йылда боҙватҡыс исеме ,уны Рәсәйгә ҡайтарыуҙа ҙур өлөш индергән дипломат Леонид Красин хөрмәтенә үҙгәртелә. Әле судно Санкт Петербургта һәм уның бортында музей асылған . Ул дәүләт кимәлендәге һәйкәлдәр исемлегендә. Өфөгә боҙватҡыс экспозицияһының бер өлөшө генә килтерелгён. Унда төрлө ваҡыттарҙа эшләгән экипаждың кәрәк-яраҡтары, судно ҡорамалдары, документтар менән , тарихи фотолар менән танышырға мөмкин. Күргәҙмә киләһе йылдың 21 ғинуарына тиклем баш ҡалала була.
