Ул мәшһүр йырсы Фәриҙә Ҡудашева һәм танылған музыкант Бәхти Ғайсиндың яҡты иҫтәлегенә арнала. Ижади бәйге еңеүселәрен бүләкләү тантанаһы Хөсәйен Әхмәтов исемендәге Башҡорт дәүләт филармонияһында ойошторола. Унда Башҡортостан, Татарстан, Үзбәкстан республикаларынан, Сочи, Нижневартовск, Тольятти, Төмән, Ульяновск һәм башҡа ҡалаларҙан йыйылған йыр-моң һөйөүселәр тәбрикләнә. Башҡортостандың халыҡ артисы Айҙар Ғәлимов һөйләй.
Фәриҙә Ҡудашева һәм Бәхти Ғайсинға арналған конкурста балалар ҙа, өлкәндәр ҙә ҡатнаша ала. “”Ике аҡҡош” дуҫлыҡ һәм татыулыҡ байрамы”, - ти Башҡортостан татарҙары милли-мәҙәни автономияһы Советы рәйесе, Дәүләт Думаһы депутаты Римма Үтәшева.
Фәриҙә Ҡудашева һәм Бәхти Ғайсинға бағышланған Бөтә Рәсәй музыка конкурсының гала-концерты 1 декабрҙә уҙғарыла.
