“Халыҡ-ара саралар яңы бизнес-партнерҙар табыу, яңы технологиялар үҙләштереү мөмкинлеге бирә”. Республика Башлығы Радий Хәбиров “Комсомольская правда” радиоһына биргән эксклюзив интервьюһында шулай тип белдерҙе. “Форум Башҡортостанды танытыу, алға ынтылыш яһау ысулы ла”, - тине ул.
Әңгәмә барышында Радий Хәбировтың тормош девизы менән дә ҡыҙыҡһындылар. “Намыҫлы һәм яуаплы эшләргә. Танауҙы юғары сөймәҫкә”, - тине Республика Башлығы.
Бөгөн Башҡортостан башлығы Радий Хәбиров халыҡ менән тура бәйләнеш уҙғара. Ул киске сәғәт 7-лә башлана. Тура элемтә барышын республиканың төп телеканалдары тура эфирҙа күрһәтә. "Юлдаш" радиоһында һәм социаль селтәрҙә трансляция була.
