Радий Хәбиров “Башҡорт оҙон ғүмерлелеге. Туризм” проектына айырым иғтибар итте. Башҡортостан Башлығы әйтеүенсә, киләһе йылдарҙа күберәк оло йәштәгеләр сәйәхәт итә аласаҡ.
Радий Хәбиров әйтеүенсә, республикала туризм үҫеше өсөн федераль ҡаҙнанан миллиард һум йәлеп ителгән. Был аҡса глэмпинг, ял йорттары, ҡунаҡханалар төҙөүгә тотонола. "Башҡортостан Башлығы менән тура бәйләнеш барышында көнүҙәк мәсьәләләр күтәрелде. Уларҙы хәл итеү буйынса аныҡ яуаптар алынды", - тигән фекерҙә Өфө Тарих, тел һәм әҙәбиәт институты директоры Зөһрә Рәхмәтуллина.
Республика Башлығы менән әңгәмә 3 сәғәт 45 минут барҙы. Эфир барышында 50-нән ашыу һорау һәм мөрәжәғәт яңғыраны. “Бөтәһенә лә яуап биреп булмай. Әммә бер һорау ҙа иғтибарһыҙ ҡалмай”, - тине Радий Хәбиров.
