Рәсәй ҡулланыусылар хоҡуғын күҙәтеү хеҙмәтенең төбәк идаралығы хәбәр итеүенсә, сир дини ойошмаларҙың береһендә асыҡланған. Улар менән бәйләнешкә ингән бөтә кешеләр ҙә эпидемиологтар тарафынан медицина контроле аҫтына алынған, уларға ашығыс иммунизация үткәрелә. Белоретта ҡыҙылса сире таралыу сәбәпле, ҡаланың ике мәғариф ойошмаһында иҫкәртеү саралары күрелгән. Мәктәптәрҙә ҡайһы бер кластар дистанцион уҡытыуға күсерелгән. Ауырыуҙың билдәләре - юғары температура, биҙгәк, тәнгә ҡыҙыл таптар сыға.
