Башҡортостан юлдаш телевидениеһының "Яңылыҡтар" хеҙмәте хәбәрсеһе Рафиҡ Әхмәтшин Рәсәйҙең Оборона министрлығы менән контракт төҙөп, бөгөн махсус хәрби операцияға юлланды. Ул хәрби хәбәрсе булараҡ, күп тапҡыр Донбасста булып ҡайтты, илебеҙгә ҡушылған төбәктәрҙең тормошон яҡтыртты, яҡташтарыбыҙ тураһында бик күп репортаждар әҙерләне. “Рәсәй Ҡораллы көстәре менән контракт төҙөп, хеҙмәткә алыныу - төплө уйланылған ҡарар”,- ти коллегабыҙ.
Рафиҡ Әхмәтшин “Башҡортостан” мотоуҡсылар полкында хеҙмәт итәсәк.
