Зәки Вәлиди урамында урынлашҡан заманса объектта тәүге мәғариф сараһы ойошторолдо. «Точка кипения» проекты сиктәрендә кампуста эшҡыуарҙар, студенттар, активистар, ирекмәндәр өсөн майҙансыҡ асылды. Һәләтле йәштәргә бында лекция, конференция эшлекле һөйләшеүҙәр бүлеге тәҡдим ителә. Кампус майҙаны тәүлек әйләнәһенә, бушлай эшләйәсәк.
«Точка кипения» селтәре Өфө дәүләт нефть-техник университеты тәҡдиме буйынса асылды. Уҡыу йорто һәм Мәскәү мәғариф компанияһы араһында хеҙмәттәшлек килешеүе төҙөлдө. Уға ярашлы студенттар һәм йәш ғалимдар төрлө ведомство белгестәре, эшҡыуарҙар менән берлектә стартаптар ойоштора ала.
