Үҙәк һайлау комиссияһы рәйесе Элла Памфилова белдереүенсә, дәүләт башлығы вазифаһына кандидаттарҙан ғаризалар алына. Әле 16 кешенән заявка килгән. Элла Памфилова традицион тауыш биреү менән бер рәттән 29 төбәктә электрон тауыш биреү уҙғарырға тәҡдим итте. 7 декабрҙә һайлау кампанияһы рәсми иғлан ителде. Үҙәк һайлау комиссияһы ҡарарына ярашлы, президент һайлауы 15 марттан 17-һенә тиклем дауам итә.
