Яңы йыл алдынан Өфөлә махсус хәрби операцияла ҡатнашыусыларҙың ғаилә ағзалары өсөн танып белеү сараһы уҙғарылды. Осрашыуҙы «Семья под ключ» коммерция булмаған ойошма менән «Рәсәй терәге» төбәк бүлексәһенең ғаилә эшҡыуарлығы һәм хәйриәлек комитеты ойошторҙо. Балаларға «Раштыуа фәрештәһен» эшләү буйынса оҫталыҡ дәресе уҙғарылды. Бөрөнән килгән кәсепселәр кескәйҙәрҙең ижади һәләттәрен асыуға булышлыҡ итте.
Балаларҙы етеп килгән Яңы йыл менән әкиәт персонаждары ла ҡотланы, һуңынан кескәйҙәр тоҙло бүлмәлә һауыҡтырыу процедураһы үтте, төрлө уйын-конкурстарҙа ҡатнашты. Шул арала әсәйҙәренә ғаилә психологы консультация, арт-терапия буйынса оҫталыҡ дәресе уҙғарҙы. Өфөләге коммерция булмаған үҙәк тарафынан был сараны даими уҙғарыу планлаштырылған, шулай уҡ хәрбиҙәргә реабилитация ойоштороу мөмкинлектәре лә ҡарала.
