1 декабргә комплекстар ярҙамында 2,3 миллиард һумға штраф һалынған. Республикала 1 мең 800-ҙән ашыу юл камераһы ҡуйылған. Юл хәрәкәте ҡағиҙәләрен боҙоуҙы теркәгән автоматик фото- һәм видеокомплекстар водителдәрҙе тәртипкә өйрәтә, юлда ҡағиҙә боҙоуҙар кәмей, тығындар менән көрәшергә мөмкинлек бирә, ти белгестәр. Яҡын арала Өфө, Октябрьский, Нефтекама һәм Салауат ҡалаларында тағы 56 автоматик камера ҡуйыла.
