Бала табыу йорто йылды уңышлы тамамлаған, үҙәктә сабыйҙар үлеме кәмегән. Республика перинаталь үҙәгендә Башҡортостандың барлыҡ район-ҡалаларынан ҡатмарлы диагнозлы йөклө ҡатындар ҡабул ителә.
Бала менән әсәнең ғүмерен һаҡлап ҡалыу өсөн дауалау учреждениеһы заманса техника менән йыһазландырылған. Реанимация бүлегендә бәләкәй ауырлыҡта тыуған сабыйҙар тәрбиәләнә. Быйыл үҙәктә шылтыратыуҙарҙы ҡабул итеү өсөн кол үҙәк эшләй башлаған. Бала табыу йортонда Дәүләт думаһы депутаты Римма Үтәшева эш сәфәре менән булды.
Осрашыу сиктәрендә бер төркөм табиптарға күп йыллыҡ намыҫлы хеҙмәте өсөн рәхмәт хаттары тапшырылды. Шулай уҡ Луганск һәм Донецк халыҡ республикаларында йәшәүселәргә, махсус хәрби операцияла ҡатнашыусыларға гуманитар ылау туплауҙы ойошторған медицина хеҙмәткәрҙәренә партияның төбәк башҡарма комитеты етәксеһенең рәхмәт хаты тапшырылды.
