Ул былтыр 88 йәшендә арабыҙҙан китте. “Мортаза Рәхимов – башҡорт халҡының бөйөк улы. Ғүмерен, тәжрибә һәм һәләтен республиканы үҫтереүгә, милләт-ара һәм дини дуҫлыҡты нығытыуға арнаны. Башҡортостанды көслө итеп, Рәсәйҙең ҡеүәтен арттырырға тырышты”. Төркмәндәр милли-мәҙәни үҙәге рәйесе Сапарморат Шанглиев шулай тип белдерҙе.
“Тормошта ул ябай, киң күңелле, ярҙамсыл кеше булды. Һәр кемгә оло ихтирам менән ҡараны”, - ти Зилә Аксенова. Ул 1996 йылдан 2010 йылға тиклем Башҡортостан Хөкүмәтенең дәүләт наградалары бүлегендә эшләй.
Мортаза Рәхимов 1993 йылда Башҡортостан Президенты итеп һайлана. 2010 йылдың июленә тиклем ошо юғары вазифала ҡала. 7 февралдә Мортаза Рәхимовтың тыуыуына 90 йыл тула.
