Бер ярым йылға яҡын бер сафта. Мәләүездә ойошторолған «Йөрәк ҡушыуы буйынса» ирекмәндәр хәрәкәте 90-дан ашыу битараф булмаған ҡалала йәшәүселәрҙе берләштергән. Көн һайын улар махсус хәрби операцияла ҡатнашыусы яҡташтарыбыҙға ярҙам итә.
Өлкән йәштәге ҡатын-ҡыҙҙар маскировка селтәрҙәрен үреү менән мәшғүл. Тағы бер төркөм гүзәл заттар баш һәм өҫ кейемдәре, носилка һәм башҡа әйберҙәр тегә. Тегеү цехында хатта төнгө сәғәттәрҙә лә тауыш тынмай.
Йылы әйберҙәр өсөн туҡымалар тулыһынса хәйриә аҡсаһына һатып алына. Ирекмәндәргә ҡалала йәшәүселәр һәм Мәләүез районы предприятиелары матди ярҙам күрһәтә. Цехта хатта бөтә ғаилә менән бергә эшләгән кешеләр бар. Пенсионерҙар ойоҡбаш бәйләй, окоп шәмдәре эшләй, ә уҡыусылар тегеләсәк материалды киҫеп тора. Ирекмәндәргә һәр кем матди ярҙам күрһәтә ала.
