«100 йыл спорт еңеүҙәре» тип исемләнгән экспозицияны республиканың Спорт министрлығы ойошторған. Аҙна дауамында күргәҙмәгә килеүселәр республиканың спорт тормошо менән яҡындан таныша ала. Программала олимпия чемпиондары Тимур Сафин һәм Аделина Заһиҙуллина менән фехтование буйынса оҫталыҡ дәрестәре, Рәсәйҙең иң көслө кешеһе Эльбрус Ниғмәтуллиндың командаһының сығышы ҡаралған.
Бында шулай уҡ халыҡ-ара гроссмейстерҙар - 7 тапҡыр шашка буйынса донъя чемпионы Тамара Танһыҡҡужина һәм тиҙ уйын буйынса донъя чемпионкаһы Айгөл Иҙрисова менән шашка уйнап ҡарарға ла мөмкин була. Күргәҙмәнең тәүге көнөндә экспозицияны 32 меңдән ашыу кеше ҡараған.
Күргәҙмәнең тәүге көнөндә көтөлмәгәнсә күп кеше - өлкәндәр һәм балалар ҙа килде. Улар үҙҙәрен фехтование оҫталығында һынап ҡараны һәм техниканы һәйбәт үҙләштереүен күрһәтте. Был бик ҡыуаныслц хәл. Һәр кемгә спорт менән күберәк шөғөлләнергә кәңәш итәм.
Киләсәктә фехтование географияһы тағы ла киңәйергә тейеш. Сөнки беҙҙең стенд янына илебеҙҙең төрлө төбәктәре вәкилдәре килеп үҙҙәрен спорттың ошо төрөндә һынап ҡараны.
