Республикала пилотһыҙ авиация тармағы өсөн кадрҙар әҙерләнә. Быйылдан республиканың 20 мәктәбендә һәм урта уҡыу йорттарының береһендә махсус программалар асыла. Республика Хөкүмәте вице-премьеры, сәнәғәт, энергетика һәм инновациялар министры Александр Шельдяев һөйләй.
Башҡортостан предприятиелары үткән йылда меңдән ашыу пилотһыҙ аппарат йыйған. Быйыл уны 4 тапҡырға арттырыу бурысы тора. Республика Башлығы Радий Хәбиров төбәктә пилотһыҙ авиация баҙарын формалаштырыу өҫтөндә эшләү мөһимлеген билдәләне.
Башҡортостан пилотһыҙ авиация системаһын һәм уның кәрәк-яраҡтарын етештереү буйынса һынау проектында ҡатнаша. Уға ярашлы, илдең 12 төбәгендә осоу аппараттары буйынса фәнни учреждениелар ойоштороу ҡаралған.
