“Уралстройтранс” заводы Нефтекамалағы йылдам үҫеш биләмәһе резиденттары исемлегенә индерелде. Компания йорт һәм биналар төҙөлөшөндә ҡулланылған тимер-бетон изделиелар сығарыуға 4 миллион һум самаһы инвестиция индерергә ниәтләй. Предприятиела 12 яңы эш урыны булдырыла. Беренсе продукцияны киләһе йылдың беренсе кварталында сығарыу ҡарала. Хөкүмәт премьер-министрының беренсе урынбаҫары – иҡтисади үҫеш һәм инвестиция сәйәсәте министры Рөстәм Моратов белдереүенсә, республика делегацияһы февраль башында эш сәфәре менән Белоруссияға бара. Уның составында йылдам үҫеш биләмәһе резиденттары ла була.
