Республика Башлығы социаль селтәрҙә яҙыуынса, “Өфө” индустриаль паркында инфраструктура булдырған өсөн сығымдар кире ҡайтарыла. Рәсәй Хөкүмәте рәйесе Михаил Мишустин шундай ҡарарға ҡул ҡуйҙы. “Аҡса индустриаль паркты артабан яҡшыртыу өсөн тотонола”, - тип билдәләй Радий Хәбиров. Биләмәлә «Амкодор-Ағиҙел» заводы эшләй. Ул былтыр Беларусь менән берлектә төҙөлдө. Бөгөнгә “Өфө” индустриаль паркы 98 процентҡа тулған. Бында 19 компания теркәлгән.
