Проектҡа ярашлы, социаль ойошма етәкселеге бәлиғ булмаған инвалидтар өсөн спорт майҙансығы асып, төрлө йүнәлештәге ярыштар үткәрмәксе. Ирекмәндәр әйтеүенсә, һаулыҡ мөмкинлектәре сикләнгән балалар өсөн ял үҙәктәре ҡалала юҡ тиерлек. Нефтекама инвалидтар йәмғиәте үҙәгендә үҫмерҙәр көнүҙәк әйберҙәргә, әйтәйек, бешеренергә, тегенергә һәм башҡа күненкмәләргә өйрәнә. Үҙҙәренә яңы дуҫтар таба.
Нефтекама инвалидтар үҙәге өсөн был сираттағы грант. Ойошмаға ҡушылыусылар көндән-көн арта һәм улар өсөн мәшғүллек шарттары ҡәнәғәтләнерлек түгел. Үҙәккә килеүселәр өсөн бүленгән бүлмә майҙаны буйынса бәләкәй һәм инвалидтар өсөн ҡулайлаштырылмаған. Һаулыҡ мөмкинлектәре сикләнгән кешеләр хаҡында хәстәрлек күреү йылында был мәсьәлә хәл ителер, тип ышана үҙәк вәкилдәре.
