Алғы һыҙыҡтағыларға - күңел йылыһы. Ишембайҙа блиндаж шәме эшләү буйынса оҫталыҡ дәрестәре үтә. Уны йәмәғәт эшмәкәре, ирекмән Лилиә Хәсәнова ойоштора. Парафиндан окоп шәмдәрен яһарға ул интернет аша өйрәнгән. Махсус хәрби операцияла ҡатнашыусыларға ярҙам итергә теләүселәр күп булғас оҫта эш тәжрибәһен башҡалар менән уртаҡлаша башлаған. Дәрестәр ҡаланың Милли мәҙәниәттәр үҙәгендә һәм Йәштәр һарайында уҙғарыла. Блиндаж шәм өсөн материалдар менән бағыусылар ярҙам итә.
