Мәктәпкәсә белем биреү учреждениелары хеҙмәткәрҙәре араһында конкурс баш ҡалала бер айҙан ашыу дауам итте. Уның барышында бәйгелә ҡатнашҡан Өфө балалар баҡсаларының 42 тәрбиәсеһе төрлө йүнәлештә профессиональ һынау үтте. Улар алдында тәрбиә процесында мәғлүмәт технологияларын файҙалана белеүҙе күрһәтеү, оҫталыҡ дәресе ойоштороу, баһалама комиссияһы менән әңгәмә үтеү һәм дебатта ҡатнашыу бурысы торған. Финалға бары 22 тәрбиәсе үткән. Конкурс балалар баҡсалары хеҙмәткәрҙәрен дәртләндереүҙе, мәктәпкәсә белем биреү өлкәһендә иң яҡшы тәжрибәләрҙе таратыуҙы маҡсат итеп ҡуя.
