Бөгөн Өфөлә йәш ғалимдар һәм студенттарҙың халыҡ-ара конференцияһы башланды. “Башҡортостан археология үҫеше үҙәгенә әйләнә бара”, ти республика күсемһеҙ мираҫ ҡомартҡыларын һаҡлау һәм файҙаланыу үҙәге етәксеһе Данир Ғәйнуллин.
Конференция “Торатау” конгресс-холында үтә. Бер нисә секция ойошторола. Танылған археологтар Нияз Мажитов һәм Отто Бадераға бағышланған күргәҙмә менән танышырға була. Форумдан һуң ҡатнашыусыларҙың сығыштарын йыйынтыҡ итеп баҫтырыу ҡарала. Конференция 2 февралдә тамамлана.
