Федоровка ауылы ирекмәндәре көн һайын ғәҙәти эштәр менән була. Улар маскировка селтәрҙәре үрә, май шәмдәр әҙерләй, һапдаттарға постель кәрәк-яраҡтары, эске кейем тегә, ойоҡбаштар бәйләй. Уларға ярҙамға Ҡораласыҡ, Батыр, Динес ауылдары ирекмәндәре лә килгән.
Шулай уҡ махсус хәрби операцияла ҡатнашыусыларҙың яҡындары һәм туғандары ла ситтә ҡалмай. Яңы йыл алдынан ғына яугирҙарға бүләккә йылы кейем, гигиена әйберҙәре, аҙыҡ-түлек, һәм тәм-томһ әм башҡа кәрәк-яраҡтар ебәрелгән булған. Бынан тыш, Федоровкала тыуып үҫкән яҡташтары махсус хәрби операция биләмәһенә ебәреү өсөн бензин генераторы алып биргән.
