Был турала республиканың Ғәҙәттән хәлдәр буйынса дәүләт комитеты рәйесе вазифаһын башҡарыусы Кирилл Первов хәбәр итә. Яңы отряд ойоштороу тураһында күрһәтмә Республика Хөкүмәте тарафынан ҡабул ителгән. Кирилл Первов белдереүенсә, бер үк ваҡытта эште алып барыу һәм техниканы һаҡлау өсөн ҡотҡарыу инфраструктураһы ла булдырыла. Ведомство етәксеһе фекеренсә, яңы отряд бәләгә тарыған кешеләргә оператив ярҙам күрһәтеү мөмкинлеге бирәсәк. Ҡотҡарыусыпар отрядында хеҙмәт итергә теләүселәр 8 (347)285-85-16 телефоны буйынсча шылтырата ала.
