Йөк төбәктәрҙә йәшәүселәрҙең әүҙем ҡатнашлығында йыйылған. Хәҙерге ваҡытта яу яланында иң кәрәкле әйберҙәрҙең береһе окоп шәмдәре. Шишмә районының «Үҙебеҙҙекеләрҙе ташламайбыҙ» штабы ирекмәндәре тәүҙә 60 дана эшләһә, хәҙер айына 2 меңдән ашыу. Ойоштороусылар әйтеүенсә, еңеү өсөн һәр кем үҙ өлөшөн индерергә тырыша. Ирекмәндәр араһында ололар менән бер рәттән йәштәр ҙә бар.
Бүздәк районында урынлашҡан «Бергә беҙ - көс!» патриотик клубы ирекмәндәре, ауыл халҡы ҡатнашлығында аҡса йыйып хәрбиҙәргә мунса һатып алған. Бынан тыш, йөк машинаһында окоп шәмдәре, ҡотҡарыу браслеттары, оҙаҡ һаҡлана торған аҙыҡ-түлек, йылы һәм аяҡ-кейеме, утын, медикаменттар, «ҡоро душ», маскировкалау селтәрҙәре һәм машиналар өсөн тәгәрмәстәр йыйылған. Ылауҙы туплауға урындағы эшҡыуарҙар ҙа әүҙем ҡушылған. 40 килограмм иттән тыш, ирекмәндәр һорауы буйынса Бүздәк заводы 1 мең 600 консерва туплаған. Ике райондан йыйылған ылау Ҡырым республикаһының Воинка ауылында асылған ирекмәндәр ойошмаһына алып барыласаҡ.
