Ленин районы урамдарын 36 берәмек техника таҙарта, уларға ярҙамға 40-ҡа яҡын коммуналь хужалыҡ хеҙмәткәре ҡушылған. Тәүлегенә 4 мең кубометр йөк ҡар иретеү заводына, ҡала ситендәге махсус полигондарға сығарыла. Көслө яуым-төшөм һөҙөмтәһендә коммуналь хужалыҡ хеҙмәткәрҙәре төнөн дә эшләй, ҡар менән көрәш тәүлек әйләнәһенә алып барыла. Ленин районы хакимиәте хеҙмәткәрҙәре лә өмәнән ситтә ҡалманы.
