Мортаза Рәхимов исемендәгә Мораҡ башҡорт гимназияһының интернат бинаһында мәктәп музейы үҙ ишектәрен асты. Ете залдан торған музейҙың бер өлөшө Башҡортостандың беренсе президенты Мортаза Ғөбәйҙулла улы Рәхимовҡа арналған. Музей ҙа уның исемен йөрөтәсәк. Экспонаттар йыйыуҙа уҡытыусылар, уҡыусылар һәм ата-әсәләр күп көс һалған. Музейҙы асыу тантанаһына саҡырылған ҡунаҡтар ҙа үҙ ҡомартҡыларын тапшырҙы.
