Ике депутат - Яков Кугубаев һәм Алексей Локотченко Рәсәй оборона министрлығы менән контракт төҙөгән. Хәрби хәрәкәттәр зонаһына улар биш кешенән торған төркөм составында юлға сыҡты.
Үҙ ирке менән хәрби сафҡа баҫыусылар медицина һәм квадрокоптерҙар менән идара итеү буйынса уҡыуҙар үткән.
Яков Анатольевич быға тиклем фронтҡа яугирҙарға гуманитар ярҙам илтеүҙә ҡатнашҡан. Был аҙымға ярты йыл алдан әҙерләндем, ти депутат.
Оҙатып ҡалыусылар уларға уҡыусылар яҙған хаттарҙы тапшырҙы. Йәш быуын яҙған йылы һүҙҙәр, изге теләктәрҙе улар шунда уҡ уҡып ишеттерҙе.
Өфө - Арена һарайы алдындағы майҙандан иһә отпускыға ҡайтҡан хәрбиҙәр йәнә махсус хәрби операция биләмәһенә китте. Төркөм составында мобилизацияланғандар һәм үҙ ирке менән ҡатнашҡандар ҙа бар. Хәрбиҙәр тыуған яҡтарында ике аҙна ял иткән. Фронтҡа улар кейем- һалым, аҙыҡ- түлек һәм башҡа күстәнәстәр алып бара.
