Республика парламенты ошо турала закон проекты әҙерләй. Бөгөн ул Президиум ултырышында ҡаралып, сираттағы пленар ултырыштың көн тәртибенә индерелде. Быға тиклем закон боҙоусы хужалар 2 мең һумға тиклем штраф түләһә, ҡануниәт үҙ көсөнә инһә аҡсалата яза күләме 4 мең һумға тиклем арттырыла.
Дәүләт Йыйылышы -Ҡоролтай депутаттары шулай уҡ ауыл хужалығы тауарҙары етештереүселәрҙе тағы ла өс йылға берҙәм һалымдан азат итергә тәҡдим итә. Был закон ошоға тиклем дә эшләп килде һәм аграр өлкәлә эшләүсе предприятиеларҙы үҫтереүгә булышлыҡ итте. Ташлама менән 5 йөҙҙән ашыу ауыл хужалығы продукцияһы етештереүсе файҙаланған.
