Марттан һаулыҡ мөмкинлектәре сикле өлкәндәр реабилитация үтеү өсөн 52 мең һум күләмендә сертификат алыу мөмкинлегенә эйә. Социаль ярҙам 2-се һәм 3-сө төркөм инвалидтарына тәғәйенләнгән. Бының өсөн дәүләт ҡаҙнаһынан 90 миллион һум күләмендә аҡса бүленгән, йылына 1800 ашыу кеше был хеҙмәт менән файҙаланыр тип күҙаллана. Сертификат менән шулай уҡ махсус хәрби операцияла ҡатаншыусылар ҡуллана ала. Хеҙмәтте алыу өсөн халыҡты социаль хеҙмәтләндереү республика үҙәгенә йәки күп функциялы үҙәккә мөрәжәғәт итергә кәрәк.
