Сәхнәлә - музыка һәм бейеү аша мөхәббәт тарихы. Өфөнөң Хөсәйен Әхмәтов исемендәге башҡорт дәүләт филармонияһында Башҡортостандың атҡаҙанған артисы Евгения Цыпина менән мультиинструменталист Салауат Хәлиловтың концерты үтте.
Мәҙәни сарала классик, этник, танго, модерн һәм башҡа стилдәрҙә яңы хореография һәм музыкаль миниатюралар ҡуйылды. Сығыштарҙың күбеһе тамашасыға тәүгә күрһәтелде. Артистар концерт өҫтөндә тәжрибәле режиссер, хореографтар эшләүен билдәләп, уны республиканың башҡа район-ҡалаларында ҡуйыу теләген белдерҙе.
