Өфөлә Валериан Альбанов исемендәге Ҡотопсолар музейында яҡташыбыҙ, ҡотопсо Михаил Сёмин иҫтәлегенә күргәҙмә асылды. Экспозицияла башлыса уның фотоһүрәттәре, шәхси әйберҙәре, әйтәйек, аккордеоны урын алған. Михаил Сёмин иҫтәлегенә күргәҙмә беренсе тапҡыр уның ике туған ҡустыһы Владимир Сёмин ярҙамында ойошторолған.
Михаил Сёмин Өфө районы Нижегородка ауылында тыуған. 1957 йылда адмирал Степан Макаров исемендәге Ленинград юғары инженер диңгеҙ училищеһын тамамлай. «Ленин» атом боҙватҡысының тәүге экипажы составында хеҙмәт итә. Мурманск ҡалаһында вафат була һәм шунда ерләнә.
