Республикала 5 йылда 1 мең ярым самаһы объект төҙөлгән. Уларҙың иң ҙурҙары – Рима Баталова исемендәге Спорт әҙерлеге үҙәге, ишеү слаломы комплексы һәм Өлфәт Мостафин исемендәге спорт үҙәген атап китергә була. Башҡортостан халҡының яртыһынан күбеһе физкультура һәм спорт менән даими шөғөлләнә. Быйылдан башлап “Ауыл тренеры” программмаһына “Ҡала тренеры” тигән проект та өҫтәлде. Уға ярашлы, бәләкәй ҡалаларҙа спорт педагогтарын дәртләндереү ҡарала. Ике программа буйынса ла 1 миллион һум бирелә.
