Башҡортостанда эшҡыуарлыҡты үҫтереүгә былтыр федераль бюджеттан 1,1 миллиард һум йүнәлтелгән. Беҙҙең республика был күрһәткес буйынса илдә тәүге биш төбәк исемлегендә килә. “Бәләкәй һәм урта эшҡыуарлыҡ” милли проекты буйынса ҙур финанс ярҙам күрһәтелә. Башҡортостанда бизнес вәкилдәре арта. Былтыр 30 меңгә яҡын яңы эшҡыуар барлыҡҡа килгән. Республикала үҙмәшғүлдәр ҙә күбәйгән, бәләкәй һәм урта бизнеста эшләгән халыҡ һаны артҡан, тип белдерәләр Эшҡыуарлыҡ һәм туризм министрлығынан.
