Башҡортостанда төрлө байрам саралары ҡаралған. Өфөлә ул Еңеү паркында Мәңгелек утҡа һәм Совет майҙанындағы генерал Шайморатов һәйкәленә сәскәләр һалыуҙан башлана. Унда хәрби хәрәкәттәр ветерандары, власть органдары етәкселәре, юғары уҡыу йорттары курсанттары, кадет кластары тәрбиәләнеүселәре, ветеран ойошмалары ҡатнаша. Республикала Бөйөк Ватан һуғышы, Ҡораллы көстәр ветерандары һәм махсус хәрби операцияла ҡатнашыусылар, уларҙың тол ҡатындарын тәбрикләү саралары уҙғарыла.
