Йола буйынса сараға ил субъекты етәкселәре, Хөкүмәт ағзалары, депутаттар, сенаторҙар, йәмәғәт эшмәкәрҙәре саҡырыла. Быйыл да ҡатнашыусылар араһында үткән йылдағы һымаҡ махсус хәрби операция яугирҙары ла буласаҡ. Владимир Путин үҙ сығышында илдәге хәл-ваҡиғаларға баһа бирәсәк, эске һәм тышҡы сәйәсәттең төп йүнәлештәрен билдәләйәсәк. Мөрәжәғәтнамәлә Рәсәйҙең киләһе алты йылға бурыстары хаҡында ла һүҙ барасаҡ. Ил башлығының сығышын федераль каналдар аша тура трансляцияла ҡарарға мөмкин.
