Бай тарихлы боронғо ауылдарҙың береһе Аҙнағол быйыл Күгәрсен районы исеменән республика кимәлендәге "Айыҡ ауыл" конкурсында ҡатнаша. Бәләкәй ауылдарҙың яҙмышы һәр ҡайҙа ла бер төрлө. Уларҙы берләштергәне, әлбиттә, халыҡтың берҙәм, татыу булыуы. Аҙнағолдар ҙа ауылды һаҡлап ҡалырға тырышабыҙ, тиҙәр.
63 өйлөк Аҙнағолда иман йорто, клуб эшләп килә, үҙҙәренең фермер хужалығы бар, юл һалынған, йорттар төҙөк. Был ауылда айыҡлыҡ күптән инде йәшәү рәүешенә ингән.
